Musikene Zikloa Chillida Lekun - Ligatio saxofoi laukotea

Aurten ere, Chillida Lekuk kontzertu-ziklo bat antolatu du Musikene Euskal Herriko Goi Mailako Musika Ikastegiarekin elkarlanean, bi erakundeek sinatutako akordioaren esparruan. Horrela, agerian geratzen da Eduardo Chillidaren lanak musikarekin beri izan duen harremana. Bi kontzertuetan, Musikeneko konposizioko ikasleek sortutako bi obra estreinatuko dira, sorkuntza garaikideari eta proposamen musikal berrien hedapenari lagunduz.

Ligatio saxofoi laukotea
 

Ligatio saxofoi laukotea 2024an sortu zen, bere kideak Euskal Herriko Goi Mailako Musika Ikastegian (Musikene) sartu zirenean, ganbera-musika profesionaleko proiektu bat garatzeko helburuarekin. Hasiera-hasieratik saxofoi laukoterako errepertorioa zabaldu nahi izan du, tradizioa eta berrikuntza uztartuz.

Sortu berria den arren, maila artistiko handia eta bikaintasun musikalarekiko konpromiso handia erakutsi du. Horren erakusgarri da Kebyart laukote ospetsuarekin masterclass batean parte hartu izana, saxofoiaren munduan erreferente baita. Kideek esperientzia handia dute ganbera-musikan eta sariak jaso dituzte lehiaketetan, eta kohesioan eta orekan oinarritutako nortasun eta soinu paregabea garatu dute

Bere errepertorioak obra klasikoetatik hasi eta garaikideetaraino biltzen ditu, teknika berriak aztertuz eta gaur egungo musikagileekin elkarlanean, kontzertu dinamikoak eta publiko ezberdinentzat irisgarri direnak eskaintzeko. Gainera, beren energia eta konpromisoa proiekzio handiko prestakuntza gisa kokatzen dituzte. Ligatio izenak musikaren batasuna eta tradizioaren eta modernitatearen arteko lotura sinbolizatzen ditu. Ikuspegi berritzailearekin eta teknika sendoarekin, laukoteak ganbera-musikan erreferente gisa sendotzea eta bere proposamen artistikoa agertoki berrietara zabaltzea bilatzen du.

Javier Jesús Pérez González – Saxofoi sopranoa

Sonia Rodríguez Martín – Saxofoi altua

Manuel Alén Bellas – Saxofoi tenorra

Adrián Saiz Fernández – Saxofoi baritono

PROGRAMA

Guillermo de la Torre (Musikeneko ikaslea) Entre los cirros*

1. Ciesla: Rhapsodish (1967) (12’)

1. Mendelssohn: Cuarteto Op. 81 (1809-1847) (21’)

- Tema con variazioni

- Scherzo

- Capriccio

- Fuga

*estreinaldia