Deialdia: Chillida Leku - Tabakalera. Artea eta paisaia egonaldia 2025

Programaren xedea da Chillida Lekuren (Hauser & Wirth San Sebastián) eta Tabakalera Kultura Garaikidearen Nazioarteko Zentroaren artean egonaldi artistiko bat eskaintzea Donostian.

Deialdia edozein nazionalitatetako artistentzat da, baldin eta testuinguru artistiko berriak aztertu nahi badituzte eta artearekin eta paisaiarekin lotutako ikerketako eta sorkuntza artistikoko proiektu bat garatu nahi badute.  

Egonaldia zortzi astetan garatuko da, 2025ko urriak 27tik abenduak 21era. Espazioa, testuingurua eta denbora eskainiko da proiektu artistikoa Chillida Lekuko eta Tabakalerako instalazioetan garatzeko.  

Deialdira aurkezten diren proiektu guztien artean proposamen bat aukeratuko da.