Federica Michisanti Quartet

Federica Michisanti Quartet

Federica Michisanti (kontrabaxua), Louis Sclavis (klarineteak), Vincent Courtois (biolontxeloa), Michele Rabbia (bateria)

Federica Michisantik Italiako talentu berri onenaren Top Jazz saria lortu zuen, baita SIAE sari berezia ere konposizioaren arloko ikerketaren originaltasunagatik. Hala, horrek eraman zuen, bi urtez jarraian, haize trio batek osatutako bere taldea zuzentzera; taldeari, Italiako Una Striscia di Terra Feconda jaialdiaren barruan, aparteko gonbidatu bat gehitu zitzaion: Louis Sclavis, musikari gailena eta konpositore birtuosoa.

Horrela sortu zen Federica Michisanti Quartet, Federica Michisanti kontrabaxu italiarrak eta Louis Sclavis klarinetista frantsesak osatua, Europako Jazzaren eszena garaikidean gailendu diren beste bi musikari apartekin batera: Vincent Courtois frantsesa biolontxeloan eta Michele Rabbia italiarra baterian.

Laukoteak Michisantiren konposizioak interpretatzen ditu, Europako musika klasikoaz eta abangoardiako Jazzaz elikatutako soinu ezaugarriak darizkiena, bat-bateko inprobisazioari eta bateriaren ekarpenari lekua eginez. 

Nola iritsi Chillida Lekura?

Donostiatik:  
BU05 Autobusa
Hiriaren erdialdetik ordu erdiro autobusak. “Chillida Leku” izeneko geltokia museoaren atean dago.
Informazio gehiago eta ordutegiak: Lurraldebus BU05

Ibilgailu pribatuan iristen direnentzat, aparkaleku bat egongo da Galarretan eta doako garraio-zerbitzu bat Galarreta eta museoaren artean.