Sara Azurzaren kontzertua - Neguko solstizioa

Aurten Sara Azurzaren kontzertu batekin ospatuko dugu neguko solstizioa.

"Hemen Berriro" Sara Azurza musikagile eta abeslariaren azken lana da. Bederatzi abestiz osatuta, bizitzako ziklo emozionalaz dihardu eta mota desberdinetako barne emozio eta sentimenduei zuzendutako lana da. Estiloari dagokionez pop, soul, funky eta elektronikarekin jolasten du. Musikari apartak ditu Azurzak bidelagun, gainera. Iker Lauroba teklatuan eta gitarran, Julen Barandiaran baxuan eta Haritz Lauroba baterian. 

Chillida Leku ere, laukote honen estilo berezi, freskotasun eta kalitatearen agertokia izango da abenduaren 15ean.  Euskal musikaren panorama ehiegi lantzen ez den estilo batekin  aberastu dueneuskal taldearen zuzenekoaz gozatzeko aukera parebagea izango da beraz!