“Tàpies Zabalagan” erakusketarekin hasiko da artista gonbidatuaren erakusketa ildoa Chillida Lekun, Antoni Tàpies (1923 – 2012) sortzaile katalan bikainaren omenez; haren lanak, euskal eskultorearenak bezala, arrasto sakona utzi zuen arte moderno eta garaikidearen bilakaeran.
Zabalaga baserriaren goiko solairuan egongo da ikusgai –solairu hau guztiz hartuz– eta 2022ko urtarrilaren 10era arte bisitatu ahal izango da. Formatu txiki eta handiko obrek osatuko dute, batez ere 80ko eta 90eko hamarkadetako eskulturek.
